النمو الطبيعي للطفل بعمر ثلاث سنوات
المهارات الحركية:
من علامات ذكاء الطفل بعمر ثلاث سنوات ان عضلاته تكون أقوى، وبالتالي بيكون قادر على المشي بشكل أفضل من السنوات السابقة، فيعرف ازاي يمشي في خط مستقيم، ويحافظ علي توازنه اكتر.
وتزيد قدرته على السير للخلف والقفز بالقدمين، ونقدر هنا تهتم بالأنشطة الحركية التي تساعد الطفل بتطوير مهاراته بشكل افضل واسرع.
المهارات المعرفية:
يتطور الجانب المعرفي عند طفل الثلاث سنوات، و يكون مقبلا على التعلم والنمو السريع، وتظهر كلمات جديدة في كلامه، ويبدأ يسأل كتير عشان يتعرف على كل اللى حواليه، وكمان بيعرف يميز بين النهار والليل، وبيقدر يسمي الألوان، ويعد الأرقام. ودورنا هنا كأولياء أمور إننا نصبر على أسئلة الطفل بدون تأفف، ونحاول نجاوب عليها بالطريقة اللي يستوعبها، ونتجنب إننا نعنفه أو تضايقه بسبب أسئلته الكثيرة، لأننا كده هنكون بنظره، ويقلل من فرصة تطور مهاراته. وتبعًا للمعهد الوطني للصحة NIH لقينا إن عدد الكلمات اللي بيعرفها طفل الثلاث سنوات بتكون حوالي 1000 كلمة، وممكن تزيد أو تنقص على حسب حالة الطفل، و بيقدر يفهم كلمات أكثر من العدد دا، ودي من أهم علامات ذكاء الطفل بعمر ثلاث سنوات. الطفل هنا يقدر يركز لوقت أطول من قبل كدا، وبالطبع قدرته على الاستيعاب بتزيد، وبالتالي يمكن كأولياء أمور نستغل النقطة دي بأننا نركز على تطوير مهاراته من خلال الأنشطة المختلفة. وكمان نعلمه مهارات جديدة تفيده، و بنلاحظ إن الطفل يستجيب معانا فعلًا، وبتبدأ مهاراته تتطور بشكل ملحوظ مع الوقت.
التطور العاطفي:
من علامات ذكاء الطفل بعمر ثلاث سنوات إن قدرته على التعبير عن مشاعره بتبدأ تزيد، فيعرف يظهر الحب للآخرين بدون ما حد يطلب منه الفعل دا، وبيعرف يفهم مشاعر اللي حواليه إذا كانوا مبسوطين مثلًا أو متضايقين أو غيره. الطفل هنا بيلاقي صعوبة في الانفصال عن الأشخاص اللي بيحبهم، عشان كدا بنلاحظ إنه بيبكي، وشعوره بالقلق والتوتر بيزيد لما يروح الروضة في العمر دا، أو لما يبتعد عنه والده لفترة طويلة. كمان بنلاحظ إنه يتعامل بعصبية مع المواقف اللي بتضايق، وبالتالي لازم نحرص هنا إن السلوك دا يتحسن مع الوقت، وما يقلب مشكلة تحتاج لعلاج طويل بعد كدا. فنحاول نفهمه بطريقة بسيطة إزاي ممكن يتعامل بشكل صح، وممكن نلجأ لحكاية القصص اللي تبين أضرار العصبية.
المهارات الاجتماعية:
تطور المهارات الاجتماعية عند الطفل في عمر الثلاث سنوات، وهذا يتضح في زيادة تفاعله مع الأشخاص اللي حواليه، وقدرته على تكوين علاقات وصداقات جديدة، وفهم معنى مشاركة الأشياء مع الغير. وبنلاقي إن طفل الثلاث سنوات يتأثر بالشخصيات بشكل كبير، عشان كدا بنلاحظ إنه بيتعلق جدًا بشخصيات الكرتون، ويحاول يقلدهم في كل سلوكياته. بس لازم ننتبه هنا إن ممكن تتأثر علامات ذكاء الطفل بعمر ثلاث سنوات لو سبيناه يتفرج بدون حدود، أو كانت المشاهد تحتوي على عنف وسلوكيات خاطئة، فتظهر على تعاملاته تصرفات خاطئة، وممكن معدل الذكاء يتراجع.
المهارات الدقيقة:
من علامات النمو الطبيعي للطفل في عمر الثلاث سنوات هي تطور مهاراته الحركية الدقيقة، فيصبح أكثر قدرة على الإمساك بالقلم بالأصابع بدل قبضة اليد. وبيعرف يغسل إيده لوحده، ويمسك الكتب بشكل صحيح يقلب صفحاتها، وكمان يقدر يلبس بنفسه، ولكن يحتاج لمساعدة وإرشاد ولي الأمر عشان يظهر بشكل مهندم. ملحوظة: دايمًا بيكون في اختلاف في مدى تطور المهارات دي بين الأطفال، فطبيعي إننا نلاقي طفل في نفس سن أولادنا وعنده مهارة معينة مش موجودة عندهم، أما لو لاحظنا تأخر كبير في مهارات الطفل فلازم نعرضه على طبيب متخصص لتقييم حالته.
علامات ذكاء الطفل بعمر ثلاث سنوات|العلامات الطبيعية
مهارات لغوية متقدمة
- قدرة الطفل على التحدث بجمل كاملة وتركيبها بشكل صحيح.
- استخدام الطفل لمفردات واسعة ومتنوعة.
- رغبة الطفل في التحدث والتواصل مع الآخرين.
- فهم الطفل التعليمات البسيطة وتنفيذها.
مهارات معرفية متقدمة
- قدرة الطفل على حل المشكلات البسيطة.
- رغبة الطفل في التعلم واكتشاف ما حوله.
- قدرة الطفل على التركيز والانتباه.
- قدرة الطفل على تذكر المعلومات والأحداث.
مهارات اجتماعية متقدمة
- قدرة الطفل على التفاعل مع الآخرين بشكل مناسب.
- قدرة الطفل على تكوين صداقات مع أطفال آخرين.
- شعور الطفل بالتعاطف مع الآخرين.
- قدرة الطفل على التعبير عن مشاعره واحتياجاته.
مهارات حركية متقدمة
- قدرة الطفل على المشي والجري بشكل متوازن.
- قدرة الطفل على استخدام يديه بشكل متناسق.
- قدرة الطفل على الرسم والكتابة.
- قدرة الطفل على لعب الألعاب التي تتطلب مهارات حركية دقيقة.
علامات أخرى تدل على ذكاء الطفل بعمر الثلاث سنوات
- فضول الطفل ورغبته في الاستكشاف.
- إبداع الطفل وخياله الخصب.
- قدرة الطفل على حل المشكلات بشكل إبداعي.
- رغبة الطفل في التعلم والتفوق.
صفات الأطفال أصحاب معدلات الذكاء العالية
حسب اللي ذكره معهد دافيدسون – Davidson Institute بنلاقي إن في دراسة اتعملت على 241 طفل ذكي للغاية بمقياس ستانفورد-LM ولقت إن 94% من الأطفال كان عندهم إدراك اللي حواليهم في مرحلة الرضاعة. كمان أظهر 60% منهم تطور مبكر في المهارات الحركية، ولقوا إن 91% عندهم تطور مبكر في اللغة. وكان متوسط العمر اللي بدأ ينطق فيه الأطفال كلماتهم الأولى هو 9 أشهر، وبداية القراءة السهلة كان قبل بلوغ 4 سنوات.ومن هنا نتعرف أكتر على بعض المهارات والسلوكيات اللي بتظهر معدل علامات ذكاء الطفل بعمر ثلاث سنوات عالي وهي:
امتلاك مهارات قراءة مبكرة :
نلاحظ تطور مبكر في مهارة القراءة عند الطفل اللي ذكاءه عالي، وبتكون في المتوسط قبل سن 4 سنوات، في حين إن معظم الأطفال ممكن يوصلوا لسن 6 سنوات ومش بيعرفوا يقروا. ملحوظة: تعلم القراءة بيحتاج خطوات كتيرة عشان الطفل يقدر يقرأ بطلاقة، ودورنا إننا نعلمه الكلمات ونفهمه معناها، عشان نساعده يقرأ لوحده، ونلاحظ هنا إن الطفل صاحب معدل الذكاء العالي بيكون شغوف بتعلم القراءة، ويستمتع بها.
الفضول الشديد :
الطفل بطبيعته بيكون عنده فضول دايمًا يعرف إيه اللي بيدور حواليه، وبيحب يستكشف الجديد، وبالنسبة للطفل صاحب معدل الذكاء العالي فبيكون عنده فضول بدرجة أكبر. فيطرح على اللي حواليه أسئلة معقدة، وبيكون منتظر جواب يرضي فضوله، في سبيل إنه يطور عقله وإدراكه، وبالتالي فالفضول بالطريقة دي يعد من أبرز علامات ذكاء الطفل بعمر ثلاث سنوات.
كثرة الكلام مع الكبار:
الطفل هنا بيكون عنده نضج مبكر ووعي باللي بيدور حواليه، يحب الثرثرة مع الكبار بدل أصحابه أو الأطفال اللي في نفس عمره، و يستمتع بالكلام معاهم.وكمان بيكون عنده روح دعابة بتخلي اللي حواليه مندمجين معاه، وبيقدر يسمع و ينطق أي كلمة مهما كانت صعبة، ويقدر يوصل رأيه بكل جرأة وشجاعة.
إختبارات الذكاء للأطفال في عمر ثلاث سنوات
جانب من علامات ذكاء الطفل بعمر ثلاث سنوات اللي بتشير إلى أن الطفل يمتلك معدل ذكاء عالي بنلاقي مجموعة من اختبارات الذكاء اللي بنبدأ نعملها عشان نقدر نوصل لنتائج حقيقية، ومن أشهر الاختبارات:
- مقياس لتر
لتر هو مقياس دولي غير لفظي يمكن استخدامه للأطفال بداية من عمر سنتين لقياس المهارات العقلية زي الانتباه والإدراك، وتحديد قدرة الطفل على التفكير والتصور، وكمان لتقييم الذاكرة البصرية. والاختبار يتم بشكل فردي، ومش يتطلب أي استجابة شفهية من الطفل.
- مقياس ستانفورد
يعد مقياس ستانفورد أحد أشهر الاختبارات المستخدمة في تحديد مدى ذكاء الأطفال. يقيس الذكاء بناءً على معرفة عدة قدرات معرفية وهي: المعالجة البصرية المكانية. الذاكرة المعرفة، التفكير السلس، التفكير الكمي، واختبار ستانفورد يتضمن الاستجابة الشفهية وغير الشفهية.
الذاكرة القوية وعدم النسيان:
ذكرنا إن من علامات ذكاء الطفل بعمر ثلاث سنوات إنه بيفتكر جزء من أحداث القصة، أما الطفل عالي الذكاء فنلاحظ إن عنده ذاكرة قوية، ومش بينسى اللي اتعلمه، ودا بيساعد يحتفظ بالمعلومات الجديدة. وكمان بيقدر ياخد قرارات يومية مبنية على اللي بيفتكره من الأحداث السابقة، ومش بينسى الطفل الذكي الأشخاص والمواقف اللي بيمر بيها، بالعكس يفتكرهم كويس، وممكن يسرد الحدث بعد كدا لوالديه.
اعتماده على نفسه:
من علامات الطفل حاد الذكاء اعتماده على نفسه في القيام بالمهام والمسؤوليات المنزلية بمفرده، ومساعدة والدته في ترتيب غرفته مثلًا، واختيار ملابسه، ودخول الحمام بدون مساعدة.
المعرفة الجيدة بالأرقام:
من علامات ذكاء الطفل بعمر ثلاث سنوات غير الطبيعي هي معرفته بالأرقام، و بيقدر يعد الأرقام ويجمعها ويطرحها، وكمان يقدر يعرف الساعة، ويحسب الوقت عكس أطفال زيه في نفس العمر.
سرعة البديهة والتمييز:
يمتلك الطفل الذكي سرعة البديهة في ربط المواقف ببعضها، و يكون حساس لدرجة لا توصف، وبيتأثر بأي كلمة أو تعبير على وجه الآخرين. دا غير القدرة على التمييز بين الأشياء، وحل الأمور التي تواجهه، ومن ضمنها: يتذوق الطعام، ويفرق بين المالح والحلو، والبارد والساخن عكس باقي الأطفال. يميز الروائح اللي يشمها سواء أطعمة أو رائحة البنزين، أو حتى الحريق. يبتكر حلول في حالة وجود أي عائق زي ارتفاع علبة الحلويات. يميز الألوان، ويفرزها حسب ترتيبها، ودرجاتها. علامات ذكاء الطفل بعمر ثلاث سنوات تزيد أو تختلف حسب تربية الطفل، واكتشاف ولي الأمر قدرته غير الطبيعية في بعض الأمور والعمل على تنميتها.
تحديات تربية طفل حاد الذكاء
رحلة تربية الأطفال دايمًا تجمع بين المتعة والتحديات، وبالطبع لو نربي طفل حاد الذكاء نلاحظ وجود العنصرين دول، بس التحديات أكثر، بالتالي محتاج تحفيز فكري أعلى. والتحديات دي بتظهر بوضوح في مرحلة الروضة، لأن الدراسة فيها بالنسبة لطفل حاد الذكاء هي تأكيد على المعلومات اللي عنده، وأغلب البرامج التعليمية مصممة بشكل يناسب الطفل العادي. بالتالي استفادته هتكون أقل من الأطفال في نفس عمره، ودا يعد خطأ كبير، لأن ما ينفعش نقدم له دراسة علمية زي أي طفل تاني. وكمان من من التحديات اللي بيقابلها ولي الأمر إنه مش بيقدر يشارك إنجازات طفله لإنه مختلف عن باقي الأطفال اللي حواليه، وكمان مش بيعرف يقارن بين مهارات طفله، ومهارات الآخرين. علامات ذكاء الطفل بعمر ثلاث سنوات بعد إشارة تنبيهية لتطوير أنواع الذكاء المختلفة عند الطفل.
كيفية تنمية ذكاء الطفل بعمر ثلاث سنوات
- الحديث المستمر معهم
أثبت بحث تحليل اللغة المبكر الذي قدمته المنظمة الوطنية التكنولوجية لتنمية مستقبل الأطفال LENA إن الحديث مع الطفل من سن 24:18 شهر ارتبط بعد 10 سنوات بمعدل ذكاءه واستيعابه للغة والنطق اللفظي، ومعرفة المفردات والمهارات اللغوية. ومن هنا، فحديثك المستمر مع طفلك من سن صغير بيفرق في تطوره المعرفي باللغة. الألعاب التعليمية الألعاب التعليمية أو الترفيهية تزيد من معدل علامات ذكاء الطفل بعمر ثلاث سنوات، وتساعد في تنمية مهاراته. ومن أبرز الألعاب اللي ممكن نستخدمها عشان نعزز ذكاء طفلنا:
- الألعاب اليدوية زي: البازل، لتكوين أشكال بالمكعبات تنمي القدرات الذهنية والتفاعل.
- ألعاب المهن زي: الطبيب والمهندس تساعد في زيادة قدرته المعمارية والتخيلية.
- ألعاب التركيز زى: الألوان، ووضع كل لون في صندوق بنفس لونه بتنمي التركيز.
- الألعاب الرقمية بتدرب الدماغ على إيجاد الحلول، والتفكير الإبداعي.
- ألعاب الفك والتركيب تساعده ينمي قدراته الحركية والإدراكية.
- ألعاب الألغاز تعزز الذكاء، والمهارات التعليمية.
ومعرفتك بألعاب التنمية من سن صغير بتفرق جدًا في تطوير مهارات الطفل من كل الجوانب. أقرأ أنشطة وألعاب ذكاء للأطفال في البيت من عمر 1 إلى 15 سنة
- الحد من استخدام الألعاب الإلكترونية
التكنولوجيا والشاشات بشكل عام بتضعف من ذكاء الطفل، وتقلل من انتباهه وتركيزه، وفي بعض الأحيان بتخلى الطفل يستسهل عدم استخدام عقله، وتساعد على حب الطفل الوحدة والجلوس بمفرده.
- النشاط الرياضي
الرياضة من ضمن المؤثرات المهمة في زيادة معدل ذكاء الطفل بعمر ثلاث سنوات، وتخصيص وقت معين لممارسة الطفل الرياضة زي المشي أو ألعاب رياضية بيحبها يساعد في الحفاظ على صحته الجسدية، وبناء قدراته الحركية والعقلية.
- الثناء على الطفل
تعزيز ثقة الطفل بالتشجيع المستمر على التصرفات الجيدة يساعد في تطوير مهاراته الإدراكية والتعبيرية، وإظهار مواهبه الإبداعية باطمئنان وبدون خوف، ومعرفِتك طرق تنمية معدل ذكاء طفلك يساعدك على تربية طفل مبدع قادر على تحمل المسؤولية. وأخيرًا، لازم كأولياء أمور ننتبه علامات ذكاء الطفل بعمر ثلاث سنوات، ونساعده على التعبير بشكل كافي عن نفسه، ونتكلم معاه بشكل مستمر، ونسمع قصصه الخيالية، عشان ننمي قدراته اللغوية والإبداعية. ولازم ناخد بالنا من هوايات الطفل علشان نخليه يمارسها بشكل طبيعي، ونقلل من التكنولوجيا الحديثة بكل أشكالها، لأنها تحد من تركيزه وانتباهه، وبتسحب وقت كبير من يومه ولعبه بطريقة فطرية كطفل. كمان ملاحظتك لطفلك من وهو صغير مهمة في معرفة هل هو طبيعي ولا يعاني من مشاكل تحتاج لمتابعة طبية، زي تأخر في الفهم أو الكلام، لإن متابعتك بتفرق في حل المشكلة من البداية بطريقة أسهل وأفضل ليه.
الاسئلة الشائعة
هل هناك أي علامات تدل على تأخر ذكاء الطفل؟
- تأخر في الكلام أو اللغة.
- صعوبة في فهم التعليمات أو اتباعها.
- صعوبة في التركيز أو الانتباه.
- صعوبة في التفاعل مع الآخرين.
- مهارات حركية ضعيفة.
- سلوكيات عدوانية أو انطوائية.
متى يجب علي استشارة الطبيب؟
- إذا لاحظت أي علامات تدل على تأخر ذكاء الطفل.
- إذا كنت قلقًا بشأن نمو طفلك وتطوره.
- إذا كان لديك أي أسئلة أو مخاوف.
ما هي بعض الأنشطة التي يمكنني القيام بها مع طفلي لتنمية ذكائه؟
- القراءة والقصص.
- الألعاب التعليمية.
- الرسم والتلوين.
- الغناء والرقص.
- اللعب بالصلصال.
- حل الألغاز.
- بناء الأبراج.
- اللعب في الهواء الطلق.
المصادر
الوسوم
- ذكاء الطفل 3 سنوات
- علامات ذكاء الأطفال
- تطور ذكاء الطفل
- تربية الطفل الذكي
- كيف أعرف أن طفلي ذكي
- علامات ذكاء الطفل بعمر ثلاث سنوات
